- 445 -

1300 August 30, Breslau.

Bischof Johannes von Breslau bestätigt dem Breslauer Sandstift die Schenkung des Vorwerks Zweihof (sö. Breslau) im Umfang von sechs Hufen und 4 1/2 Morgen durch den Breslauer Bürger Ulrich.

Or. Breslau St.A. Rep. 55 Nr. 15 (A); Kop. ebenda Rep. 135 D 17 (ältestes Kopialbuch des Sandstifts, 1435), fol. 21'-22 (B); Rep. 135 D 18 (Rep. Heliae, Anfang 16. Jh.), pag. 437-438 (C).
Chronica abbatum beatae Mariae virginis in Arena, ed. Stenzel, Scriptores rerum Silesiacarum 2, Breslau 1839, S. 181; Reg. ep. Vrat. 1, S. 115; SR 2608; Kat. I 823.
Schrift und Diktat der bischöflichen Kanzlei. - Mittelalterl. Dorsualvermerke: Super Zeraschnow (durchgestrichen, 13.-14. Jh.); Super Kelchowo vel Zerusici (14.-15. Jh.); Registrata (15. Jh.).

[I]N Nomine domini amen. Quoniam in factis hominum tunc omnis dubietas submovetur, cum ea, que aguntur et debent perpetuo manere stabilia, scripture testimonio roborantur, inde est, quod nos Iohannes dei gracia episcopus Wratyslauiensis notum facimus omnibus tam presentibus quam posteris, ad quorum noticiam presentes litteras contigerit pervenire, quod sub anno domini M°CCC°, III kalendas septembris considentibus nobis cum fratribus nostris infrascriptis canonicis ecclesie Wrat(islauiensis) in ecclesia beati Egidii, ubi consuevit capitulum congregari, constitutus in nostra presencia discretus vir dominus Vlricus civis Wrat(islauiensis), licet sanus corpore, sciens tamen se mortalitati subiectum et quandoque necessario moriturum ac volens diem exitus sui aliquibus misericordie operibus prevenire pro remedio animarum sue ac uxoris ipsius domine Iutte necnon et progenitorum suorum et pro remissione peccatorum ipsorum allodium seu possessionem suam, quam olim a nobis pro pecunia sua rite et racionabiliter sub annuo censu comparavit, sitam prope Wrat(islauiam) continentem sex mansos et IIII iugera cum dimidio, que Kelchowo vel alio nomine Serusici wlgariter nuncupatur, dedit, tradidit et donavit pure, libere, simpliciter et irrevocabiliter perpetuo proprietatis iure monasterio sancte Marie Wratyslauie et ipsum monasterium eiusdem allodii seu possessionis heredem instituit, cum prolem aliam non haberet, dans ipsum allodium sive possessionem dicto monasterio, prout in suis finibus seu terminis concluditur, ad habendum, tenendum et possidendum cum omnibus et singulis pertinenciis suis et cum hiis, que habet supra se, infra se vel intra se, in integrum omnique iure et actione, usu seu requisicione sibi ex ea vel pro ea aut ad ipsam possessionem modo aliquo pertinente, tradens ipsum allodium seu possessionem coram nobis religioso viro fratri Suentoslao abbati predicti monasterii ordinis beati Augustini ipso domino abbate eandem possessionem seu allodium nomine et vice prefati monasterii ac ecclesie sancte Marie predicte recipiente. Quam quidem possessionem seu allodium idem Vlricus se dicti monasterii nomine precario possidere constituit, donec dictus dominus abbas ipsius allodii seu possessionis corporalem possessionem nanciscatur, promittens idem Vlricus pro se suisque heredibus dicto domino abbati pro se ac suo monasterio predicto et conventu stipulanti premissam donacionem et omnia ac singula supradicta perpetuo grata, rata et firma habere et tenere et non contrafacere aut venire per se vel per alium aliqua causa vel ingenio de iure vel de facto nec ipsam donacionem propter ingratitudinem vel alia de causa aliqua revocare. Verum quia predicte partes nobis cum instancia humiliter suplicarunt, ut has ipsius Vlrici donacionem et domini abbatis nomine suo, conventus sui ac monasterii predicti recepcionem ratas habere et nostra dignaremur auctoritate confirmare, nos ipsas de consensu nostri capituli ratas habentes eas auctoritate ordinaria confirmamus. In cuius facti testimonium et evidenciam pleniorem presentes litteras fieri fecimus et sigillorum nostri ac capituli nostri Wrat(islauiensis) munimine roborari. Actum et datum loco, anno et die supradictis, presentibus dominis fratribus nostris canonicis Wrat(islauiensibus): magistro Andrea decano doctore decretorum, Semiano archidiacono, Waltero cancellario, magistro Myroslao archidiacono Glogouiensi, Petro preposito, Iacobo scolastico sancte Crucis, Boguslao preposito Opoliensi, Stephano, Henrico de Wansow, Wenczcone de Prezow, Iohanne Symonis officiali nostro, Ianusio Ekrici, Petro de Sosniz, Arnoldo de sancta Maria Magdalena, Michaele et Andrea de Wesenburch et Boguscone de Michalow nobiscum in capitulo congregatis.

Zwei Siegel an rot-gelben Seidenfäden, heute verloren: 1. Bischof Johannes (III.) von Breslau, Typar B; 2. Breslauer Domkapitel, Typar C.